2 patay, 1 pilason sa aksidente sang motorsiklo sa Passi City

Passi City, Iloilo–Duha ang patay kag isa ang pilason sang nakabunggo ang motorsiklo sa truck sa Sito Afga, Brgy. Jaguimitan, Passi City kahapon.

Suno kay SPO1 Regie Pedroso, traffic investigator sang Passi City Police Station, naglapaw sa lane ang motorsiklo nga ginmaneho ni Francsico Dela Torre Jr, 25-anyos sang San Rafael, gani nagbunggo sa nagsugata nga truck nga ginamaneho ni Wilmar Palma, 25-anyo. Gindala pa sa ospital si Dela Torre apang napatay suno kay Pedroso. Dugang sang pulis, napatay man ang angkas sa motorsiklo nga si Erron Gilogo, 19-anyos sang Brgy. Magdungaw, Passi City, nga may pilas sa ulo.

Estable naman ang kondisyon sang pakaisa ni Erron nga si Christian Paul Gilogo, 19-anyos.

Nagsurrender sa Passi City police ang driver sang truck. (AGB)