July 4, 2022

Tagdumalahan sang Iloilo National High School, Istrikto nga Ginabantayan ang mga Estudyante agud Malikaw sa Gamu sa Guwa sang Eskuwelahan

Read Time:1 Minute, 0 Second

Iloilo City — Ginabantayan sang tagdumalahan sang Iloilo National High School ang mga estudyante agud malikaw sa mga gamu sa guwa sang eskuwelahan.

Kasunod ini sang pila ka mga insidente nga naga-involved sa gang nga naangut sa INHS students.

Suno kay Irma Espinosa, isa sa mga Board of Directors sang General PTA sa INHS, ginasigurado nila nga safe ang mga estudyante kun nakasulod na sa gate sang eskuwelahan.

Halin alas 9 sa aga tubtub alas 4 sa hapon, wala na ginapasugtan ang mga estudyante nga maguwa sa eskuwelahan magluwas lang kun sugaton sang ila ginikanan.

Sa tion naman sang class hour, nagalibot ang Dean of Discipline agud tsekyaron nga yara sa sulod sang classroom ang mga estudyante.

Ginadumilian man ang mga estudyante nga magtambay sa mga balaligyaan malapit sa eskuwelahan kun may klase ukon wala.

Sa dialogue-consultation sang mga opisyal sang INHS kaupod ang Jaro police kag mga barangay kapitan, ginhingyo sang eskuwelahan ang police visibility kun may klase, break time, lunch tim kag magbuhi kun hapon.

Ginapangabay man ang mga barangay officials kag tanod sa mga barangay nga malapit sa eskuwelahan nga bantayan ang mga lugar nga gina-agyan sang mga estudyante agud wala sang may matabu nga gamu. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Masobra P100k, napalagyo sang holdaper sa Leganes
Next post Nagpakilala nga pari nga ginpapreso sang babaye nga pulis, wala sang pangalan sa Catholic Director of the Philippines–Jaro Archdiocese