July 3, 2022

Former ICPO Intelligence Officer Supt. Ipil Dueñas, Ginpasakaan sang Kaso Administratibo sa NAPOLCOM 6 kasunod sang Pagkalakip niya sa Narcolist ni Pres. Duterte

Read Time:53 Second

Iloilo City — Ginpasakaan sang kaso administratibo sa National Police Commission (NAPOLCOM 6) si Police Supt. Ipil Dueñas, ang anay Intelligence Officer sang Iloilo City Police Office (ICPO).

Gin-file sang pre-charge investigator sang NAPOLCOM 6 ang kaso nga Conduct Unbecoming of a Police Officer batuk kay Dueñas kasunod sang pagtumod sa iya ni Presidente Rodrigo Duterte bilang isa sa mga police officers nga ginpahayag involved sa illegal nga druga sa syudad sang Iloilo.

Sa initial findings sang pre-charge investigator, wala ginhimo ni Dueñas ang iya katungdanan bilang anay Intelligence Officer sang ICPO kag anay Deputy City Director for Administration sa pagtapna sang illegal nga druga sa syudad.

Suno kay NAPOLCOM 6 Public Information Officer Allen Camiring, na-file ang kaso sang nagligad nga semana.

Ginpadal-an man sang sulat suno sa iya si PNP Chief Director General Ronald Dela Rosa agud pahibaluon nga kinahanglan mag-report sa NAPOLCOM 6 si Dueñas sa Disyembre 9.

Kinahanglan personal nga batunon ni Dueñas ang kopya sang kaso kag may lima ini ka adlaw agud magsumiter sang sabat. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Pulis, nanginwala nga protector sang barangay tanod nga nadakpan sa buybust operation sa Lapaz
Next post Councilor Plaridel Nava, Naobserbahan nga nangin Bukas na si Mayor Mabilog sa iya mga Kritiko