Pulis, nanginwala nga protector sang barangay tanod nga nadakpan sa buybust operation sa Lapaz

Iloilo City–Nagpanginwala si PO2 Jerry Bayabay, assign sa Leganes Police Station, nmga protector siya sang barangay tanod nga ginatudlo high value target (HVT) drug personality.

Nagpa-athag si Bayabay matapos nga nakilala ang iya motorsiklo nga amo ang gingamit ni Barangay Tanod Ereberto Regalado alyas Paok sang Alalasan, Lapuz nga nadakpan sa buybust operation sa Lapaz sang Disyembre 1 sang gab-i. Suno kay Bayabay nga nagapa-uli sa Alalasan, ginprenda sa iya bayaw nga si Rolando Bonites Jr ang itom nga Yamaha motorcycle kag iya nga ginagamit kon mag-duty sa Leganes Police Station.

Natabuan nga gingamit sang tanod ang motorsiklo bangud nga ginsugo sang asawa sang pulis nga magbakal sang gatas. Manghod ni Alalasan Punong Barangay Maricon Sumpio ang asawa ni PO2 Bayabay.

Una na nga gindepensahan ni PB Sumpio ang iya barangay tanod kag ginpanindugan nga wala nagabaligya sang illegal nga druga. (AGB)