Bureau of Fire Protection, Nakabaton sang Tatlo ka firetrucks halin sa City Government

Iloilo City — Nag-donate sang 3 ka mga fire trucks nga nagabalor sang P7.8 million ang City Government sa Bureau of Fire Protection.

Igabutang ang isa ka fire truck sa Boulevard, Calumpang kag San Juan sa Molo; Sto Niño Norte, Sto Niño Sur kag Calaparan sa Arevalo.

Samtang ibutang naman ang duha pa ka fire trucks sa coastal road sa Ingore La Paz kag Juntado Subdivision Road 1 sa Molo pagkatapos sang construction sang Sub-Fire Stations sa nasambit nga mga lugar.

Ginhiwat ang turn-over sang 3 ka mga fire trucks kaina sang aga nga ginpangunahan ni Mayor Jed Patrick Mabilog kag ni Vice Mayor Joe Espinosa III.

Suno kay Mabilog, ginkuha ang P7.8 million nga pundo sa Local Disaster Fund.

Sa subong, may yara na sang 16 ka mga fire trucks ang syudad lakip na ang lima nga gin-donate sang city government.

Ginpahayag naman ni City Fire Marshal Jerry Candido nga kulang pa sang 5 tubtub 6 ka mga fire trucks ang syudad. (JoMaque)