Apat ka Pulis nga Assign sa ICPO, Gindagdagan sang 60 ka adlaw nga Suspension Order sang Napolcom En Banc

Iloilo City — Gindagdagan sang 60 ka adlaw nga suspension order sang National Police Commission En Banc ang apat ka mga pulis nga assign sa Iloilo City Police Office ukon ICPO.

Suno kay NAPOLCOM Public Information Officer Allen Camiring, may kaangtanan ini sa kaso nga serious neglect of duty nga gin-file sang mag-asawa nga Ariel kag Ma. Socorro Bigcas matapos na-involved sa rumble ang ila hinablos nga si Dave Gabuan sang Mayo 17, 2011 sa Muelle Loney City Proper.

Ginpahayag nga wala gintuman sang mga pulis ang panugyan sang ICER nga dal-on sa ospital si Gabuan sang napilasan sa likod sang ulo.

Sa baylo, gin-aresto ang biktima kag ginpreso gani nga naglain ang pamatyag.

Ginhingagaw man ini dala sa ospital sa diin siya na-comatose kag nakarecover. (JoMaque)