Mga pusil nga ginpahayag ginapanag-iyahan ni PDEA 6 identified drug personality Ednie Jimena, Gin-surrender sa CIDG 6
Iloilo City — Gin-surrender ni Punong Barangay Estelita Ordinal sang Dungon-B Jaro ang mga pusil nga ginbilin sa likod sang ila balay nga ginpahayag ginapanag-iyahan ni PDEA 6-identified drug personality Ednie Jimena.
Kaupod ni Kapitan Ordinal ang iya bata nga si Helen Grace sa pag-surrender sang isa ka Bushmaster Rifle Caliber 5.56mm; Colt M4A3 Carbine Rifle; M1 Carbine Caliber 30 Rifle; Phoenix Arms HP22 caliber 22LR pistol, duha ka telescope, assorted magazines sang M16 rifle kag mga bala.
Ginpahayag nga ginputos sa plastic, gibutang sa box kag ginbilin sa likod sang balay ni Kapitan Ordinal ang mga pusil.
Apang nakonsensya ang bata sang kapitan nga si Helen Grace nga karelasyon ni Jimena gani nagdesisyon nga isurrender sa Criminal Investigation and Detection Group (CIDG 6).
Sa counter checking ni CIDG 6 head Senior Supt. Marlon Tayaba, natukiban nga wala nakarehistro kay Jimena ang nasambit nga mga pusil.
Base sa record, 45 caliber pistol lang ang nakarehistro sa pangalan ni Jimena. (JoMaque)