July 5, 2022

(UPDATE) Former SB Member kag ex-army sa Badiangan, nanginwala nga nagabaligya siya sang illegal drugs kag mga pusil

Read Time:53 Second

Badiangan, Iloilo–Ginpanginwala ni ex-army kag former Sangguniang Bayan Member Jenie Sabano sang Sitio Bungay, Barangay Poblacion nga siya ang nagapanag-iya sang nakuha nga mga sachets sang suspected shabu sa raid sa iya balay kahapon.

Gin-ako ni Sabano nga iya ang pila ka mga pusil kag bala bala nga nalakip sa recoveries pero wala sang kamatuoran suno sa iya ang akusasyon nga nagabaligya siya sang illegal drugs kag mga pusil. May posibilidad suno kay Sabano nga mga kontra niya sa pulitika ang yara sa likod sang pagserbe sa iya sang search warrant sang mga operatiba sang PDEA 6, Badiangan Police Station kag Regional Public Safety Battalion.

Indi man matuod suno kay Sabano nga hitman siya ukon contact sang mga pulitiko.

Una na ginpabutyag ni PDEA 6 Assistant Regional Director Levi Ortiz nga lider sang Sabano Armed Group ang former SB member kag ginapatihan nga hitman. Gina-verify man sang PDEA kun diin nagakuha sang supply sang illegal drugs si Sabano matapos nalakip sa recoveries ang 10 ka plastic sachets sang suspected shabu. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga kahoy sa General Luna Street, indi matandog sa paghimo sang drainage suno sa DPWH
Next post Riding-in-tandem, liwat nag-atake sa City Proper!