14-anyos nga lalaki sa Lapuz, natiruhan!
Iloilo City–Estable na ang kondisyon sang 14-anyos nga lalaki nga natiruhan sa Barangay Punong, Lapuz kagab-i.
Suno kay PO3 Venus Cabawa sang Lapaz Police Station, may pilas sa likod si alyas Michael. Ginpahayag nga bala sang 12-gauge shotgun ang nakaigo sa teenager.
Padayon nga ginabulong si Michael sa osppital. Gina-establisar pa sang Lapaz police kon aksidente ukon hungod ang natabu matapos gin-ako sang biktima nga ang tiyo niya ang nakatiro sa iya.
Wala na nakita ang tiyo sang nagbalik ang mga pulis sa lugar sang biktima. (AGB)