Ginatudlo nga Number 1 drug personality sa probinsya, arestado!

Iloilo–Nadakpan sa buybust operation ang ginatudlo nga high value target level 3 drug personality sa Region 6 sa Sara kahapon.

Ginkilala ang arestado kay Lea Braga, 48-anyos sang Barangay Bacabac, Sara. Suno kay PSI Ronnie Brillo, hepe sang Sara Police Station, nakuha kay Braga ang walo ka plastic sachets sang suspected shabu.

Ginpahayag ni Brillo nga nagakuha sang supply sang illegal nga druga si Braga sa New Bilibid Prison. Dugang ni Brillo, number 1 drug personality sa listahan sang Iloilo Police Provincial Office si Braga. (AGB)