Lokal

(UPDATE) Pagpabor sang korte sa Petition for Writ of Habeas Corpus sang mag-utod nga Odicta, indi maka-apekto sa kaso kriminal nga ginfile sang PDEA batuk sa ila

Iloilo City–Indi maka-apekto sa criminal complaint nga gin-file sang PDEA 6 batuk sa mag-utod nga Darryl kag Micheal Odicta ang pag-grant sang korte sa Petition for Issuance of the Writ of Habeas Corpus nga gin-file sang ila abogado.

Pahayag ini ni Regional State Prosecutor Domingo Laurea kasunod sang mandu sang korte nga irelease ang duha. Paathag ni Laurea, ang Petition for Issuance of Writ of Habeas Corpus, isa ka proseso nga nagadeterminar sa legalidad sang detention sang isa ka tawo.

Nagdeterminar suno sa iya ang korte nga illegal ang pag-detain sa mag-utod nga Odicta gani nagdesisyon ang korte nga irelease sila kag gintuman sang PDEA.

Nagapangatubang sang kaso nga conspiracy of maintaining drug den sanday Darryl kag Michael Odicta kasunod sang pag-raid sang PDEA 6 agents sa balay sang ila magulang nga si Melvin Odicta Jr sa Malipayon, City Proper sang nagligad nga semana. (AGB)

Leave a Reply