Driver sang motorsiklo, patay sang nakabunggo sa bus!
Barotac Nuevo, Iloilo–Wala gid nakaluwas si Jonrele Tan, 22-anyos sang Barangay Juanico, Banate matapos nakabunggo sa Ceres bus kaina.
Natabu ang aksidente sa Barangay Bungca, Barotac Nuevo. Suno kay PCI Raymond Celoso, hepe sang Barotac Nuevo Police Station, pakadto sa Barotac Nuevo ang biktima samtang pakadto naman sa Anilao ang Ceres bus.
Ginpahayag nga nang-agaw sang right of way si Tan gani nga nakabunggo sa bus nga ginamaneho ni Ruben Daquil, 45-anyos sang Sta. Rita, Anilao. Dead-on-arrival si Tan sa ospital samtang ginpreso si Daquil. (AGB)