ICPO Director Remus Zacharias Canieso, Nagplastar sang iya Accomplishments sa Kampanya kontra Illegal nga druga sa Gin-deliver nga State of ICPO Address

Iloilo City — Nagtimbuok ang anti-drug operations sang Iloilo City Police Office sugod sang nagpangalagad si Senior Supt. Remus Zacharias Canieso.

Ini ang ginplastar ni Canieso sa iya gin-deliver nga state of ICPO address kaina sa Campo Delgado.

Ginabanta sa masobra 2 mil ang nadakpan nga drug personalities sa syudad; 6 ang napatay sa police operations kag 5 sa 10 ka mga high value target drug personalities ang nadakpan.

Nagalaum si Canieso nga madakpan ang nabilin pa nga 5 ka HVT sa syudad.

Nagtambong sa kahiwatan si Mayor Jed Patrick Mabilog kag nagpasalig ini nga masuporta sa kampanya sang kapulisan.

Gin-engganyo man sang alkalde ang mga nagtambong nga punong barangay nga magbulig sa kapulisan paagi sa pagsumiter sang barangay anti-drug abuse council ukon BADAC report. (JoMaque)