July 6, 2022

PDEA 6, indi magpa-intimidate!

Read Time:1 Minute, 0 Second

Iloilo City–Indi magpa-intimidate sa bisan kay sin-o ang mga operatives sang Philippine Drug Enforcement Agency ukon PDEA 6 sa paghimo sang ila lehitimo nga operasyon.

Panindugan ini ni PDEA 6 Assistant Regional Director Levi Ortiz kasunod sang ginpaguwa nga statement sang Integrated Bar of the Philippines ukon IBP-Iloilo Chapter angut sa pag-posas kag pag-aresto kay Atty. Marbehn Lumbo sang gin-raid ang balay sang iya kliyente nga si Melvin Odicta Jr sa Barangay Malipayon, City Proper. Gina-respeto ni Ortiz ang opinion kag sentimento sang IBP-Iloilo apang indi ini makapugong suno sa iya nga ipatuman ang ila mandate nga wala sang kahadlok ukon pabor bisan anu pa ka manggaranon ang ila dakpon nga drug personality.

Indi magduha-duha suno sa iya ang PDEA operatives nga arestuhon kag posasan ang sin-o man nga abogado nga magsobra sa limitasyon sang iya trabaho sa masunod nga drug operations sang ahensya. Nagapati si Ortiz nga may mga abogado nga himuon ang tanan agud ma-intimidate ang mga otoridad kag mapalusot ang ila kliyente ilabe na kun manggaranon.

Madumduman nga ginposasan kag gin-aresto sang PDEA operatives si Atty. Lumbo bangud sang ginpahayag pagpamalabag sa operasyon. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post (UPDATE) Engineer, nanginwala sa akusasyon sang welder nga babaye nga ginhambalan niya nga magpakig-sex sa iya
Next post ICPO Director Remus Zacharias Canieso, Nagplastar sang iya Accomplishments sa Kampanya kontra Illegal nga druga sa Gin-deliver nga State of ICPO Address