Lima ka public plaza sa syudad, gin-identify nga firecracker zones

Iloilo City–Lima ka mga public plaza ang gin-identify sang Bureau of Fire Protection nga firecracker zones nga ginabug-usan sang Jaro, Lapaz, Molo, Mandurriao kag Arevalo plaza.

Suno kay City Fire Marshal Jerry Candido, delikado kun ibutang sa kilid sang karsada ang mga firecrackers kag pyrotechnics bangud posible magtuga sang spark ang tambutso sang mga salakyan.

Ginapanan-aw naman ni Candido nga maganubo ang numero sang mga manugbaligya sang palupok subong nga tuig. Magluwas sa work stoppage order sang Department of Labor and Employment ukon DOLE, magasto man suno kay Candido ang pagtukod sang mga stalls.

Requirements sa pagbutang sang stall ang 10-pound fire extinguisher, double wall, 2×4 meters nga kalaparon sang kilid sang stall kag isa ka metro nga antad sa iban nga stalls.

Sang nagligad nga tuig, naglab-ot sa 123 ang firecracker vendors apang posible maganubo ang numero subong nga tuig. (AGB)