Mayor Jed Patrick Mabilog, nagpanawagan kay PDEA-6 identified drug group leader Richard Prevendido nga magsurrender na

Iloilo City–Mas maayo nga magsurrender na si PDEA-6 identified drug group leader Richard Prevendido sa mga otoridad.

Nagapanawagan si Mayor Jed Patrick Mabilog kay Prevendido nga magsungka agud nga mangin matawhay ang iya pangabuhi. Suno sa alkalde, indi man gihapon pag-untatan sang mga pulis ang pagpangita kay Prevendido tubtob nga indi siya makita.

Dapat suno kay Mayor Mabilog nga panginpuslan ni Prevendido ang ginahatag sa iya nga oportunidad nga magbag-o.

Ginpanugyanan man sang alkalde ang mga drug users nga magpa-idalum sa drug rehabilitation program sang Police Regional Office 6 sa Campo Delgado ukon sang City Government. (AGB)