Pagkit-anay sang Mag-utod nga Nagbulagay sang Pila ka tuig matapos Ginbayaan sang ila Iloy, nangin emotional

Iloilo — Daku ang kalipay kag pagpasalamat nanday alyas Inday kag ni alyas Onyok bangud natuman ang ila Christmas wish nga makaupod sa paskuwa ang ila mga utod nga madugay na nila wala makita.

Sanday Inday kag Onyok ang ginbilin sang ila iloy nga si Neneth sa balay alaypan sa Sta. Barbara sang 2012 apang ginsaylo sa balay paglaum sa Mina.

Ang iloy sang mag-utod ang nagatrabaho bilang kabulig sa Manila.

Una na ginsugid sang utod ni Neneth nga si Crizelda nga napilitan ang iya manghud nga ibilin sanday Inday kag Onyok sa balay alaypan bangud ginbayaan siya sang iya bana kag indi na makasarang sa pagpadaku sa siyam tanan ka kabataan.

Ginsabat naman ni Concepcion Mayor Millard Villanueva ang salakyan nga madul-ong sa mag-utod nga ginbilin sa balay alaypan matapos ini nagtawag sa iloy sang mga bata.

Ang duha pa ka utod nanday Inday kag Onyok nga si Michelle kag Baby Jane ang wala pa nila makita.

Nahibaluan nga si Michelle ang yara subong sa Manila samtang si Baby Jane ang gindala sang ila amay sa Samar.

Na-istorya ni Inday kag ni Onyok ang ila iloy sang gintawgan ni Aksyon Mario Gelongo sa diin ginpahanumdom ni Neneth sa duha ka mga bata nga maghalong kag indi gid magkalipat sa pagpangamuyo.

Nagpangayo man ini sang pasensya sa mga bata nga indi siya makakadtu apang nagpasalig nga makakit-anay kag matingub gid sila sa pila ka adlaw.

Natukiban ang Christmas wish nanday Inday kag Onyok sang naghiwat sang gift giving activity ang IPPO sa balay paglaum sa Mina sang damlag lang.

‘Mabudlay nga Sitwasyon’

Tuman ka budlay sang sitwasyon sang iloy sa Loong Concepcion matapos ginbayaan sang iya bana kag ginbilin pa sa iya ang pagpadakup sang siyam nila ka kabataan.

Si Neneth ang iloy nanday alyas (Inday) Karen, 16 anyos kag alyas Onyok, 13 anyos nga ginbilin sa balay alaypan sa Sta Barbara sang 2012.

Nagapanglabada lang si Neneth gani nagdesisyon siya nga dal-on sa balay alaypan sanday (Inday) Karen kag Onyok.

Nagpa-manila naman si Neneth dala ang iya isa pa nka bata agud magpangamo gani na-untat na sa pagbisita sa balay alaypan.

Pero naga-contact pa siya sa duha nga ginsaylo sa balay paglaum sa Mina.

Na-contact sang Aksyon Radyo ang tiya sang mga bata tubtob na-facilitate nga makakitaay ang kabataan ni Neneth sa Mina sa bulig ni Concepcion Mayor Millard Villanueva nga nagprovide sang salakyan.

Gin-ako ni Neneth nga nagalain ang buot niya sa iya bana nga si Ernie nga nagbiya sang 2009 upod sa ila kasilingan nga si Inday kag nagsaylo sa Samar.

Wala suno kay Neneth sang nahatag nga sustento ang iya bana kag ginkuha pa ang ila kamanghuran nga bata.

Suno pa kay Neneth, nagapamahug pa si Ernie nga tipunon ang ila mga bata kag kuhaon sa iya. (JoMaque)