Nagatrabaho sa DSWD 6, nasapwan nga patay kag may pilas sang pagkabuno sa iya kuwarto!

Iloilo City–Patay na kag may pilas sang pagkabuno sang nasapwan ang nagatrabaho sa DSWD sa iya boarding house sa Barangay San Pedro, Molo kaina sang kaagahon.

Ginkilala ang biktima kay Ernesto Bacia sang Barangay Natividad, Pilar, Capiz. Suno kay PO2 Romelo Tabuyok, may tatlo ka pilas sang pagkabuno sa leog nga posible tuga sang ice pick ang biktima.  Natukiban nga nadula ang laptop, cellphone kag iban pa nga pagkabutang ni Bacia.

Suno naman sa caretaker sang boarding house nga si Maribeth Timzon, tatlo ka semana pa lang nga naga-board sa ila ang biktima. Masami suno sa iya nga may makita nga kaupod nga lalaki si Bacia.

Wala naman sang nabatyagan sang iban nga boarders ang natabu sa kuwarto sang biktima. Padayon nga gina-imbestigaran sang Molo police ang insidente. (AGB)