Pulis sa La Paz, Ginreklamo nga Nagpanaya kag Nagpalupok sang Pusil

Iloilo City — Ginreklamo ang pulis nga nagpanaya kag nagpalupok sang pusil sa Zone 4 Barangay Caingin La Paz kagab-i.

Ginkilala ang ginareklamo kay SPO1 Julius Dejongoy nga assign sa La Paz Police Station.

Ginkonfirmar ni Senior Inspector Rey Sumagaysay, hepe sang La Paz Police Station, nga na-assign sa ila si Dejongoy.

Ginpahayag nga antes ang ginhimo sang pulis, may pagbaisay sa tunga ni Jade Buendia, 22 anyos kag certain Erwin.

Mangayo kuntani sang bulig si Buendia apang ginpahayag nga siya pa ang ginbalikid sang pulis nga off duty.

Una nga gindala sa police station ang mga tagreklamo pero wala gid nagsunod si Dejongoy.

Nagpasalig naman si Senior Inspector Sumagaysay nga pasabton si SPO1 Dejongoy sa reklamo batuk sa iya. (JoMaque)