ICPO Director Remus Zacharias Canieso, daku ang pagpati nga ginatago sang iya mga himata si PDEA 6 identified drug group leader Richard Prevendido

Iloilo City — Daku ng pagpati ni Iloilo City Police Office (ICPO) Director Remus Zacharias Canieso nga ginatago si PDEA-6 identified drug group leader Richard Prevendido alyas Buang sang iya mga himata.

Ginpahayag ni Canieso nga ginahimo nila ang tanan agud nga matultulan kag madakpan si Prevendido.

May mandu halin kay Police Regional Office 6 Director Jose Gentiles nga kinahanglan madakpan gid si Prevendido antes matapos ang 2016.

‘Radio message’

Nag-isyu man sang radio message si IPPO Director Harold Tuzon kahapon nga i-neutralize si Prevendido.

Gin-athag ni Tuzon nga pag-aresto ang iya ginmandu nga pag-neutralize kay Prevendido.

May reward na suno kay Tuzon sa sin-o man nga makatudlo sang ginapanaguan ni Prevendido.

Mahimo nga makapadala sang impormasyon paagi sa cellphone number 0939-903-4426 nga magadiretso sa IPPO. (JoMaque)