IPPO, nagtanyag sang reward sa sin-o man nga makatudlo kay PDEA-6 identified drug group leader Richard Prevendido

Iloilo–Nagtanyag sang padya ang Iloilo Police Provincial Office ukon IPPO sa sin-o man makatudlo sang ginapanaguan ni PDEA 6 identified drug group leader Richard Prevendido.

Katuyuan sini suno kay IPPO Director PSSUPT Harold Tuzon nga mapadasig ang pagpangita kag pag-neutralize kay Prevendido antes matapos ang 2016. Nakabaton sang reports si Tuzon nga nagapanago sa probinsya si Prevendido gani nag-isyu siya sang radio message sa tanan nga chiefs-of-police.  Sa mga impormasyon nga nabaton ni Tuzon, nagapa-amulya sa duha ka mga lugar sa probinsya si Prevendido apang indi pa sini masugid bangud sang nagapadayon nga follow-up operation.

Gin-athag ni Tuzon nga pag-aresto ang iya ginmandu nga pag-neutralize kay Prevendido. Mahimo nga makapadala sang impormasyon paagi sa cellphone number 0939-903-4426 nga magadiretso sa IPPO. (AGB)