Lokal

(UPDATE) Jaro police, may kumpleto nga identity na sang mga suspek sa pagtiro patay sa babaye nga Indian national

Iloilo City–Nakakuha na ang Jaro police sang kumpleto nga identity sang mga suspek nga nagtiro patay sa babaye nga Indian national nga si Rupinder Chahal sa Barangay Our Lady of Fatima, Jaro sang Disyembre 20.

Ginsunod sang mga imbestigador ang gin-agyan sang riding-in-tandem paagi sa CCTV cameras tubtob nga nakakuha sang maathag nila nga hitsura. Sa nahibaluan ni PCI Herbert Ballego, hepe sang Jaro Police Station, may pending nga kaso may kaangtanan sa illegal drugs ang gunman samtang wala sang trabaho ang driver sang motorsiklo.

Indi pa gid mabuyagyag ni Ballego ang iban nga detalye bangud padayon ang ila pagtipon sang mga ebidensya. (AGB)

Leave a Reply