75 ka mga Vendors Nakahingagaw Baligya sang Palupok sa Syudad antes ang Bag-ong Tuig

Iloilo City — (UPDATE)  Nakahingagaw baligya ang 75 ka mga vendors sang palupok sa syudad. Kasunod ini sa pagpirma ni DOLE-6 Director Aalome Siaton sa lifting order sang work stoppage order nga ginmandu sang ahensiya. Ginhatagan sang provisional order  ni DOLE secretary Silvestre Bello  nga maka pirma si Siaton agod makahingagaw baligya sang palupok  ang mga vendors  antes ang pagtakop sang tuig. Apang ginpanindugan ni City Fire Marshall Fire Superintendent Jerry Candido nga dakpon ang nagabaligya sang palopok kon wala sang may ipakita nga certification halin sa DOLE. Wala nagakahulogan suno kay Candido nga ma-untat na sila sang inspection bisan pa nga na lift na ang work stoppage order. Makasulod sa gina obrahan sang firecrackers  ang Bureau of Fire suno kay Candido kag makonfiscar ang illegal nga palupok bisan wala sang search warrant. Ginpasalig ni Candido nga na-untat na ang pag-ubra sang palopok sa Arevalo nga ginkalipay naman sang mga pomoloyo sa palibot. (NemesioMartirez)