Nigerian national, ginpapreso matapos ginpahayag nga nagwaras!

Iloilo City–Napreso ang Nigerian national nga ginpahayag nagwaras bangud nga wala ginhatagan sang cellphone number sang babaye nga iya ginpangayuan.

Ginpadakup si Joset Umtumu, 23-anyos sang Jubo Esoskets, Nigeria pero temporaryo nga naga-estar sa Delgado Street, City Proper. Gintudlo siya nga nagpangayo sang cellphone number kag Facebook account sa iya nakursunadahan nga babaye samtang nagalingaw-lingaw sa Smallville Complex kaina sang kaagahon.  Ginpahayag nga nagpamilit gid si Umtumu nga makuhaan kuntani sang numero ang babaye pero wala gid ini naghatag.

Sa kaakig, nagwaras ang Nigerian national kabangdanan gintawgan sang police kag ginpreso. Sa Martes pa posible makagguwa sa prisuhan si Umtumu. (AGB)