Lokal

(UPDATE) 16-anyos nga ginpahayag ginbulus-bulusan lugos sang tatlo ka lalaki sa San Enrique, nagsaysay sa Aksyon Radyo Iloilo sang iya version sa natabu

Iloilo–Ginyudyod sang tatlo ka mga lalaki pasulod sa patyo sang San Enrique ang 16-anyos nga babaye kag ginpahayag bulos-bulos nga ginhimuslan.

Ginsaysay ni alyas Nene sang Sulangan, Dumangas nga ginhambalan siya nanday Jay-r Loking, 21-anyos, kag mag-utod nga Jeffrey-22 anyos kag Mark Jason Pachaonsis-19 anyos, lunsay mga residente sang Brgy. Campo, San Enrique, nga idul-ong siya pauli. Pero ginlagaw-lagaw pa siya suno kay Nene sang tatlo sakay sa ila tricycle. Nakakadto pa sila suno kay Nene sa Passi City antes nagbalik sa San Enrique pero gindiretso na siya sa patyo.

Suno kay Nene, ginsakit pa siya gani nga nalipong kag nabugtawan niya na lang nga nagasampaw na sa iya si Loking. Nakapalagyo kag nakapangayo sang bulig si Nene kabangdanan nadakpan si Loking samtang nakapalagyo ang mag-utod nga Pachaonsis.

Narecover sa lugar sang insidente ang isa ka used condom kag nakuha man sa bulsa ni Loking ang used condom. Nanginwala naman si Loking nga ginhimuslan si Nene kag sa baylo, gintudlo ang mag-utod nga amo ang naglugos sa babaye.

Nagalaum naman si Jessica, utod nanday Jeffrey kag Mark Jason, nga maguwa ang kamatuoran kag mapatud-an nga wala sila sang sala. (AGB)

Leave a Reply