Mayor Jed Patrick Mabilog, Nagdeklarar sang Suspension sang Klase sa Enero 6

Iloilo City — Gin-anunsyar ni Mayor Jed Patrick Mabilog nga suspendido ang klase sa tanan nga level sa mga eskuwelahan sa syudad sa biernes sa hapon, Enero 6.

Nagpirma sang Executive Order si Mabilog nga nagasuspender sang klase bangud sa Opening Salvo sang Dinagyang Festival 2017.

May yara naman sang klase sa biernes sang aga suno sa alkalde.

Ginsuhestyun man kay Mabilog nga sa masunod nga tuig, ibutang na lang sa sabado sa baylo nga biernes ang Pamukaw, Opening Salvo kag iban pa nga events agud indi makaapekto sa regular nga schedule sang klase.

Sugod alas 2 sa biernes sa hapon, hiwaton ang rerouting sa pila ka mga dalan sa syudad nga paga-agyan sang 10 ka Dinagyang tribes nga magapasundayag sa Opening Salvo. (JoMaque)