Negosyante sa Arevalo, nagreklamo nga ginpistol whip kag ginkuhaan sang driver’s license ni former Vice Governor Robert “Obet” Armada

Iloilo City — Nagaproblema ang negosyante sa San Jose, Arevalo kon paano mabawi ang iya driver’s license nga ginpahayag papwersa nga ginkuha ni former Vice Governor Robert “Obet” Armada.

Ginsaysay ni Alfonso Saladan, nagabaligya sang mga scrap, nga ginkomprontar siya ni Armada sang Disyembre 29 sang nag-abtanay ang iya ginamaneho nga truck kag ang Toyota Wigo sang anay vice governor sa taytay sa Tacas Jaro.

Gintudlo ni Saladan si Armada nga nagpistol whip pa sa iya gani nga nagbanog ang iya wala nga kilay.

Imposible suno kay Saladan nga masagairan niya ang salakyan ni Armada bangud nga nagahalong siya sa pagdrive.

Halin sa Leganes si Saladan kag pauli na sang natabu ang insidente.

Gintawgan sang Aksyon Radyo Iloilo ang anay bise gobernador agud kuhaan sang iya bahin pero nagbalibad siya kag nagpabutyag nga atubangon na lang ang kaso nga ipasaka ni Saladan. (JoMaque)