Police Regional Office 6, magadeploy sang bastante nga pulis sa Ati-Atihan kag Dinagyang Festival
Iloilo City — Maga-deploy sang bastante nga pulis ang Police Regional Office 6 sa Ati-Atihan Festival sa Aklan kag Dinagyang Festival sa Iloilo.
Amat-amat nga ginahanas na sang PRO6 sa scout ang mga pulis nga bag-o lang nag-gradwar agud makahibalo sila kun anu ang pagahimoon kun may magluntad nga insidente sa tion sang Ati-Atihan ag Dinagyang Festival.
Magluwas sa naga-training sa scout, may mga pulis pa gid nga naga-on-the-job training ang i-deploy sa nagkalain-lain nga police stations sa Western Visayas.
Indi mabuyagyag ni Regional Public Information Officer Supt. Gilbert Gorero ang insakto nga numero sang mga pulis nga maga-augment sa kahiwatan. (JoMaque)