Lokal

(UPDATE) Barangay Council sang Balabag, Pavia, nagpasar sang resolution agud ma-aksyonan ang naguba nga taytay

Pavia, Iloilo–Nagpasar sang resolution ang Barangay Council sang Barangay Balabag agud madasig nga aksyonan ang naguba nga taytay Amparo-Balabag Bridge.

Suno kay Punong Barangay Ariel Gerada, unanimously approved ang resolution nga nagahingyo sang rehabilitasyon sang taytay nga naga-angut sang Balabag kag Amparo. Gin-athag ni Gerada nga resolution lang ang ila mahimo bangud kulang man ang budget sang barangay para sa pagpakay-o sang taytay.

Ginsiraduhan na ang taytay bangud delikado samtang gindumilian ang pumuluyo ilabe na ang kabataan nga mag-agi sa suba agud makatabok sa pihak nga barangay. Sa baylo, ginapalibot ang mga tawo sa Barangay Aganan pakadto sa banwa. (AGB)

Leave a Reply