Bag-o nga Chief sang CIDG 6, nagbalibad nga magpa-interview sa Media
Iloilo City–Nagpamalibad nga magpa-interview sa mga katapu sang media ang bag-o nga Chief sang Criminal Investigation and Detection Group ukon CIDG 6 nga si PSSUPT Edgar Cacayan.
Kasunod ini sang turn-over ceremony kahapon sa diin nagsugod na sa pagpangalagad si Cacayan tal-os kay PSSUPT Marlon Tayaba. Ginrason ni Cacayan nga indi siya luyag nga mabutang sa delikado ang iya kabuhi kag dapat nga hangpon man ang ila trabaho bangud nga nagatutok sa intelligence monitoring ang CIDG.
Si Cacayan nga tumandok sang Tarlac ang naghalin sa CIDG 7.
Nagpa-reassign sa Autonomous Region in Muslim Mindanao ukon ARMM si Tayaba matapos gin-request sang iya anay senior officer nga si PCSUPT Ruben Theodore Sindac. (AGB)