Lokal

Chief Inspector Juvy Navales SAng RHSU Desidido Nga Magpasaka Sang Kasu Batuk Kay SSUPT Christopher Tambungan Bangud Sa Paggamit Sang Iya Asawa Sang Staff Car Sang PRO 6

Iloilo City – Desidido si Police Chief Inspector Juvy Navales sang Regional Headquarters Support Group nga magpasaka sang kasu batuk kay Deputy Regional Director for Operations Head Police Senior Supt Christopher Tambungan kag sa iya asawa may kaangtanan sa ginpahayag pagmaneho sang asawa sini sang staff car sang PRO 6.

Suno kay Navales, alas sais sang enero uno sang nagguwa sa Kampo Delgado ang staff car nga ginmaneho ni Dr. Joselle Tambungan. Dugang niya, makapila na ini ka beses nga natabo base sa mga records sa ila log book.

Ginpaathag naman ni Tambungan nga ginmaneho sang iya asawa ang staff car bangud nagbakal ini sang iya bulong. Ginpaathag sini nga ginpapauli niya ang iya security drivers agud maka-enjoy upud ang ila mga pamilya.

Wala sang may nakita nga problema si Tambungan sa paggamit sang iya asawa sang staff car bangud wala man nila ini ginhimo nga taxi suno sa iya.

Kasu kriminal nga malversation of public funds ang ipasaka batuk sa mag-asawa nga Tambungan suno kay Navales samtang dugang nga kasu administratibo nga grave misconduct kag conduct unbecoming a police officer naman ang ipasaka batuk kay Police Senior Supt. Tambungan.

Aljohn Torreta

Leave a Reply