City Tourism and Development Office, wala pa nakabaton sang kumpirmasyon nga kanselado ang pagbisita sang Miss Universe candidates sa syudad
Iloilo City–Wala pa nakabaton sang kumpirmasyon ang City Tourism and Development Office nga indi madayon ang pagbisita sang pila ka kandidata sang Miss Universe sa syudad.
Suno kay City Administrator Atty. Hernando Galvez, mabuhinan ang responsibilidad sang syudad kon makumpirmar nga kanselado ang event. Wala man suno sa iya nagapabilin ang syudad sa pagbisita sang mga kandidata,
Daku nga bugal naman suno kay Galvez nga ginkonsiderar ang Iloilo City nga isa sa mga destinasyon sang Miss Universe candidates.
Nauna na naguwa ang media reports nga ginkumpirmar ni Tourism Sec. Wanda Teo nga indi madayon ang pagkadto sang mga kandidata sang Miss Universe sa Iloilo City subong nga bulan. Natalana ang coronation night sa Manila sa Enero 30. (AGB)