Lokal

Pag-obra Sang Senior High School Building Sa A. Jalandoni National High School Nakitaan Sang Madamo Nga Mga Deperensya Suno Sa DPWH

Iloilo City – Madamo sang nakita nga mga deperensya ang Department of Public Works and Highways 6 sa ginhimo nga senior high school building sa A. Jalandoni National High School.  Ini ang pahayag ni Gerald Gascon, physical facilities coordinator sang DPWH.

Suno kay Gascon, kinahanglan nga kay-uhon sang contractor ang mga problema sa proyekto bago nila ini iturn-over sa nasambit nga eskwelahan.

Pila sa mga deperensya nga nakita sang DPWH ang indi manami nga pagpinta, kag wala nagasanto nga materyales nga gingamit base sa scope of works sang proyekto. Dugang pa niya, nagderetso man ang linya sang  septic tank sa catch basin kag ang main line sang transformer nga wala sa insakto nga bulutangan.

Apektado ang pagtuon sang mga grade 7 students sang nasambit nga eskwelahan bangud wala sila sang classroom tubtob nga maturn over sang contractor ang nasambit nga proyekto.

Aljohn Torreta

Leave a Reply