Pagperform Sang Mga Tribu Sa Opening Salvo Wala Nasablagan Bisan Pa Nga Nagtupa Ang Ulan

Iloilo City – Wala nasablagan ang pagperform sang 10 ka mga tribu sa Opening Salvo para sa Dinagyang Festival 2017 bisan pa nag ulan sa siudad. Ginpatapos gid sang tumalan-aw ang pagperform sang mga tribu sa 5 ka mga judging areas.

Wala naman sang klase kaina sang hapon sa tanan nga level sang pampubliko kag pribado nga eskwelahan . Base ini sa ginpirmahan nga Executive Order Number 1 Series of 2017 ni Mayor Jed Patrick Mabilog nga nagdeklarar para sa suspension sang klase.

Sirado naman ang Bonifacio Drive, Iznart, Mabini-Ledesma, Iznart Maria Clara, kag Mapa JM Basa.Nahamtang ang mga judging areas sa ginpasirhan nga dalanon .

Ang ginpasirhan nga mga dalan sa Opening Salvo amo man ang labayan sang mga tribu sa Kasadyahan Festival sa Enero 21 kag Ati Tribes Competition sa Enero 22.

Nangin malinong  kag matawhay ang Opening Salvo base sa assessment sang Iloilo City Police Office ukon ICPO.

Aljohn Torreta