(UPDATE) Duha pa ka crew sang naglugdang nga fishing vessel sa Carles, bangkay na sang nasapwan
Na-recover na ang bangkay sang duha ka crew sang naglugdang nga fishing vessel nag FB 3L 11 sa Coracha Shoal malapit sa Carles.
Suno kay Lieutenant Commander Ramil Palabrica, Commander sang Philippine Coast Guard-Iloilo Station, nasapwan ang bangkay nanday Alejo Doble kag John Candelaria sa Lutayan Island, Roxas City. Padayon nga ginapangita ang isa pa ka missing nga crew.
Nagapabilin naman sa ospital sa Roxas City ang 10 ka survivors suno kay Palabrica bangud tatlo ka adlaw sila nga wala nakakaon gani nga nagpangluya.
Naglugdang ang fishing boat bangud sang mabaskug nga hangin kag dalagku nga balod. (AGB)