Barkada Kontra Droga Program sang DEP-ED nga ginhiwat sa Dumangas, nangin madinalag-on

Dumangas, Iloilo — Ginseryoso ni Atty. Phoebe Fanco sang Department of Education ukon DEPED Division Office ang anti-drugs campaign.

Si Atty. Fanco ang isa sa mga nagpanguna agud masuguran ang Barkada Kontra Droga halin sang 2012.

Paathag sini, 2012 sang naghanas siya upod ang Dangerous Drugs Board kaupod ang Philippine Drug Enforcement Agency.

Nakita ni Fanco nga positibo gid ang reaksyon sang mga educators kag bisan sang mga estudyante sa tuigan nga event.

Nangin madinalag-on man suno sa iya ang Barkada Kontra Droga sa Dumangas kahapon nga ginpasakupan sang mga estudyante, miembro sang Parents Teacher Association, mga manunudlo, local government officials kag iban pa nga stakeholders sa probinsya.

Isa man sa gin-imbitar kag nahambal sa event kahapon ang Aksyon Radyo Iloilo. (JoMaque)