PDEA 6 Director General Isidro Lapeña, nagmandu sa PDEA 6 nga dakpon si Richard Prevendido
Iloilo City–Ginmanduan ni Philippine Drug Enforcement Agency ukon PDEA Director General Isidro Lapeña ang mga personnel sang PDEA 6 nga dakpon si identified drug group leader Richard Prevendido alyas Buang ilabe na nga may ginpaguwa na nga warrant of arrest.
Sa pagpakigsapol ni Lapeña sa mga personnel kaina, indi lang si Prevendido ang dapat nga dakpon kundi ang nabilin pa nga mga drug personalities sa Western Visayas. Nagapati si Lapeña nga bisan napatay na si PDEA 6 identified drug group leader Melvin Odicta, nagapadayon ang drug operation sang iya grupo sa Region 6.
Gindayaw naman sini ang madinalag-on nga pag-raid sang PDEA 6 agents sa balay ni Melvin Odicta Jr alyas Vin-Vin.
Ginpabutyag naman ni PDEA 6 Assistant Regional Director Levi Ortiz nga indi indi lang si Richard Prevendido ang ginatarget nga dakpon kundi pati na ang iya mga hinablos nga sanday Ariel Prevendido alyas Shabu kag Troy Prevendido. Suno pa sa iya, hatagan niya sang kopya sang warrant of arrest ang iban nga law enforcement agencies agud madasig nga madakup si Prevendido. (AGB)