Lokal

Byahe sang mga sea vessels halin sa Iloilo, balik sa regular matapos nangin LPA si Bagyo Auring

Iloilo City — Ginpasugtan na sang Philippine Coast Guard Iloilo Station nga makabiyahe ang tanan nga sea vessels matapos gindeklarar sang PAGASA nga nangin Low Pressure Area na lang ang Bagyo Auring alas 11 kaina sang aga.

Suno kay Lieutenant Commander Ramil Palabrica sang Coast Guard Iloilo Station, may direktiba siya sa mga substation commanders kag clearing teams sa Dumangas Port, Lapuz kag Parola Wharves nga puwede na makabiyahe ang  tanan nga fast craft kag RORO  vessels kag iban pa nga sakayan pandagat.

Ginbawi man sang PAGASA ang storm warning signal number 1 sa mga apektado nga lugar.

Bangud sini, mahimo na makapauli ang mga na-stranded nga pasahero suno kay Palabrica. (JoMaque)

Leave a Reply