Plano sang LTFRB nga i-phase out ang mga jeep nga naga-edad sang 15-anyos pasaka, indi dapat ikaalarma sang mga operators suno kay LTFRB 6 legal officer Jose Marie Lamparero

Iloilo City — Indi pa dapat ma-alarma ang mga operators sang depasahero nga jeep sa plano nga pag-phase out sang mga jeep nga 15 anyos pasaka ang edad.

Suno kay LTFRB 6 legal officer Jose Marie Lamparero, draft pa lang ang Department Order sang Department of Transportation agud ma-modernize ang public utility jeepneys.

Mahimo man suno kay lamparero nga makasulat ang operators sa DOTr agud mabutang sa probisyon ang ila ginaduso nga transition kag rehabilitasyon imbes nga pagphase out.

Ginabasehan sa paghibalo sang edad sang depasahero nga jeep ang Certificate of Registration.

Gin-athag ni Lamparero nga wala man sila sang timetable agud ipatuman ang Department Order.

Pero nagapati siya nga madayon gid ang mandu pareho man sang natabu sa mga depasahero nga bus. (JoMaque)