Duha patay sa pagpangbuno sa Estancia
Estancia, Iloilo — Duha ang patay sa magkatuhay nga pagpangbuno sa Estancia kaina sang kaagahon.
Una nga ginbuno patay si Ian Balasa, 26-anyos sang Brgy. Tanza sa amo man nga banwa nga may pilas ini sa wala nga ilok.
Pasado ala 1 kaina sang kaagahon, ginsulod sang wala makilala nga suspetsado ang balay ni Balasa.
Naabtan sang biktima nga nagapang-ukay sa ground floor sang ila balay ang suspetsado gani nga ginbuno siya.
Suno sa iya asawa nga si Maria Belen, ginsugo niya ang bana nga magkuha sang gatas sang ila bata apang wala na nakabalik.
Makaligad ang isa ka oras, nabun-an man sa sulod sang iya balay si Rommel Galvez, 36-anyos sang Brgy. Daan Banua nga may igo man sa ilok.
Ginpahayag nga nagsulod sa balay sang biktima ang suspek paagi sa bintana. (JoMaque)