Lider sang BIBUG Gang sa syudad, nag-ayo sa iya mga miembro nga likawan ang paglagaw kag pagpangita sang gamo!

Iloilo City–Nagpanawagan ang lider sang “Batang Ina-Api, Bumalik Upang Gumanti” ukon BIBUG Gang sa iya mga miembro nga likawan na ang paglagaw kag pagpangita sang gamo.

Hinadlukan si Jude Balmatero sang Boulevard, Molo nga mabutang sa delikado ang ila kabuhi kon magpadayon ang ila grupo nga mag-istambay sa dalan Quezon kag De Leon, City Proper. Ang BIBUG Gang, may 15 ka miembro nga tanan ang residente sang Boulevard, Molo nga kalabanan ang wala na naga-eskwela.

Nagpasalig si Balmatero nga mapakabuot na kag mangita sang trabaho bangud nagabusong ang iya live-in partner. (AGB)