Mga department heads sa City Hall, nagpasalig sang tampad nga serbisyo publiko
Iloilo City–Nagpasalig ang mga opisyal sang City Hall nga ipabilin ang integridad sang ila pagserbisyo sa publiko.
Isa ini sa mangin prayoridad sang City government sa 2017 sa ginpirmahan nga Integrity Pledge kahapon. Paathag ni City Administrator Atty. Hernando Galvez, ang Integrity Pledge ang paagi sang City government nga nagapasalig nga mangin graft-free ang syudad.
Hatagan sang pagtamod suno sa iya ang Customer Care Center kag hatagan sang proper action kag procedure ang mga empleyado.
Kaupod sanday Mayor Jed Patrick Mabilog kag Atty. Galvez, nagpirma man sa Integrity Pledge ang 64 ka mga department heads. (AGB)