Mga food packs sang DSWD 6 nga ginhatag sa mga recipients sa Ajuy, ginreklamo nga indi mapuslan suno kay Mayor Jett Rojas

Ajuy, Iloilo–Nagreklamo ang tatlo ka recipients sang food packs nga ginpanghatag sang Department of Social Welfare and Development ukon DSWD 6 sa banwa.

Ginkumpirmar ni Mayor Jett Rojas nga nakabaton siya sang reklamo halin sa mga recipients sang food packs sang nagligad nga bulan. Base sa reklamo nga nabaton ni Rojas, indi gid maka-on kon tig-angon ang bugas nga ginhatag sang DSWD.

Pero ginpanindugan ni Rose San Agustin, head sang DSWD 6 Protective Services Unit, nga indi baho ang bugas kag bag-o lang halin sa bodega sang NFA. Kon may deperensya suno sa iya sa food packs, kuntani madugay na nga may nagreklamo.

Hulaton ni San Agustin ang complaint antes magahimo sang aksyon sa reklamo. (AGB)