Lokal

Task Force on Moral and Values Formation Head Jorge Duron: Wala kami nagapabaya

Iloilo City–Ginmandu ni Jorge Duron, head sang Task Force on Moral and Values Formation, ang pagmonitor sa hulag sang mga pamatan-on nga miembro sang gangs sa syudad.

Suno kay Duron, indi lang ‘Curfew for Minors’ ang ginatutukan sang Task Force kundi nagapadayon man ang ila pagpalapnag sang mga ordinansa sang syudad para sa mga menor-de-edad. Ginpahayag ni Duron nga wala nagapabaya ang ila grupo kag sa pagkamatuod, nagalibot sila kada adlaw upod ang mga social workers kag kapulisan agud masiguro nga ginasunod ang mga patakaran para sa  mga minors.

Ginapatipon na ni Duron ang mga data ilabe pa sa sunod-sunod nga mga kinagamo nga gindalahigan sang mga pamatan-on nga miembro sang gangs agud nga makadihon sang solusyon.

Sa pihak nga bahin, ginpasalig ni Duron nga pasabton ang mga ginikanan sang mga pamatan-on nga maangut sa anuman nga kinagamo kon pamatud-an nga nagpatumbaya sila sa ila responsibilidad. (AGB)

Leave a Reply