P1,000 nga increase sa pension sang mga SSS pensioners, posible nga mag-epekto sa masunod nga bulan

Iloilo City — Posible nga mag-epekto sa masunod nga bulan ang isa ka libo nga increase sang pension sang mga pensioners sang Social Security System.

Suno kay SSS Molo Branch Manager Rene Gonzales, ginahulat pa nila ang official communication halin sa central office kon sin-o ang makabaton sang pension hike.

Indi pa makadeklarar si Gonzales kon lakip man sa increase ang survivorship pensioners samtang wala pa gina-uyatan ang mandu halin sa Manila.

Ginkonfirmar naman ni Gonzales nga pataasan sang 1.5% ang 11% nga SSS contribution sugod sa Mayo subong nga tuig. (JoMaque)