Babaye nga ginpahayag nagkaun sang buhi nga manok, nagakinahanglan sang medical attention suno sa Tubungan police

Tubungan, Iloilo–Dapat mapabulong ang babaye nga ginpahayag nagkaun sang buhi nga manok sa Barangay Teniente Benito sa amo nga banwa.

Pagpati ni PSI Rolando Araño sang Tubungan Police Station, nagakinahanglan sang medical attention ang wala pa nakilala nga babaye. Base sa pagpangusisa ni Araño, nakita sang 11-anyos nga bata ang babaye nga malaba sang buhok, nakasuksok sang pink tshirt, pula nga shorts kag high heels nga nagakaun sang buhi nga manok. Natabu ini suno sa bata malapit sa kakahuyan.

Kinulbaan ang bata gani nga nagdalagan pauli kag nagpanugid sa iya magulang. Pero wala na naabtan ang babaye sang nagbalik sila sa lugar. Sa baylo, nakita nila ang patay na nga manok nga wala sang karne.

Padayon nga gina-imbestigaran sang Tubungan police ang insidente. (AGB)