Ginang sa Badiangan, nagreklamo nga ginsulod sa iya balay kag ginhold-up!
Badiangan, Iloilo–Nakibot si Jinky Ramirez, 37-anyos sang Brgy. Bingauan nga ginsulod sa ila balay.
Suno kay Ramirez, duha ka suspetsado nga nakasuksok sang bonnet ang nagsulod sa ila balay samtang nagakatulog sila. Ginpahayag nga gintayaan siya pusil kag ginpamangkot kon diin ang alahas kag kwarta.
Suno pa sa iya, patyon sila sang iya mga bata kon indi niya pag-ihatag ang alahas kag kwarta gani ginhatag niya ang iya gintago nga kwarta nga P235,000. Kaupod ni Ramirez sa sa balay ang iya walo ka tuig kag apat ka tuig nga bata. Nagatrabaho naman sa Saudi Arabia ang iya bana.
Gina-imbestigaran na sang Badiangan police ang insidente. (AGB)