Presidente Rodrigo Duterte, naghatag sang final warning sa mga mayors sa kampanya kontra illegal drugs sa meeting sa Malacañang kahapon suno kay Mayor Jed Patrick Mabilog

Iloilo City–Naghatag sang katapusan nga warning sa mga mayors si Presidente Rodrigo Duterte nga seryosohon ang ila kampanya batuk sa illega drugs.

Natabu ini sa meeting nga ginpatawag ni Duterte sa mga mayors sa Visayas kag Mindanao sa Malacañang kahapon.

Suno kay Mayor Jed Patrick Mabilog, nagpanugyan ang presidente nga magpalapit sa iya kun indi nila masarangan ang kampanya kontra sa ilegal nga druga agud mabuligan. Plano sang alkalde nga magpakigkita liwat sa presidente agud mapamatud-an nga seryoso siya sa kampanya nga malimpyuhan ang syudad sa illegal drugs.

Wala naman suno kay Mayor Mabilog ginpakita sa ila sang presidente ang gina-uyatan nga listahan sang mga mayors nga ginpahayag involved sa ilegal nga druga. (AGB)