Melvin Vin-Vin Odicta Jr. Nagpangabay Sa Korte Nga Sayluhon Siya Sa BJMP-Ungka, Jaro

Iloilo City – Para sa iya seguridad, kaluwasan kag ikaayong lawas. Ini ang pa-athag sang bata ni PDEA-identified drug group leader Melvin Odicta Sr nga si Melvin “Vin-Vin” Odicta Jr. nga mga rasun sa pagfile sa korte sang motion to transfer sang jail facility.

Base sa mosyon nga ginfile ni Odicta, ginhingyo sini nga isaylo siya halin sa kustodiya sang Philippine Drug Enforcement Agency pakadto sa Bureau of Jail Management and Penology 6 sa Ungka, Jaro.

Una na nga ginreport nga naaresto si Vinvin upod ang mga utod nga sanday Malipayon, City Proper Barangay Kagawad Darryl Odicta kag Michael Odicta kag dugang nga tatlo ka iban pa sadtong Disyembre 8 sang nagligad nga tuig.

Nakuha sa balay sang mga Odicta base sa report sang PDEA ang 19 ka sachets sang suspected shabu, granada, isa ka 22-caliber, isa ka 45-caliber, mga tseke, kwarta nga naglab-ot sa 300 mil pesos, kag mga handheld radios.

(Aljohn Torreta)