Lokal

PDEA 18, nagpasalig nga wala sang white wash sa imbestigasyon sa duha ka intel officers nga gindalahig sa illegal drugs

NIR–Nagpasalig si PDEA 18 Director Julius Navales nga wala sang white wash ila imbestigasyon sa duha ka intelligence officers nga gindalahig sa illegal drugs ni high value target level 3 drug personality Ricky Serenio.

Apang mas maayo suno kay Navales kun mabuyagyag ni Serenio ang matuod nga pangalan sang duha ka PDEA agents agud matalunsay ang ila imbestigasyon. Ginsugid ni Serenio nga sanday alyas Casper kag alyas Wam ang mga PDEA intel officers nga nagabaton sang payola halin sa iya.

May ideya na si Navales sa matuod nga identity ni alyas Casper apang palaligban pa kun sin-o si alyas Wam.

Mas maayo suno sa iya nga makita ang sworn statement ni Serenio agud mahibaluan kun sin-o ang ginatumod sini nga alyas Wam. (AGB)

Leave a Reply